Вайн нохчийн мотт вайна массарна а хазбина, 1алашбина, дешерхошна д1ахьахна, шеха дика ц1е йаккхитина д1аваха тахана Зайнди. Шен денош, шераш эрна ца оьхуьйтуш, шена а, наханна а пайденна волуш йаьккхи цуо х1ара дуьненан зама.

1980-г1а шерашках кхиинчу кегирахошна а, баккхичарна а дика дагвог1у Зайнди. Телевизорчохь а, радиочохь а цуо д1ахьора нохчийн маттахь передачаш. Цуо йовзийтур меттан хазалла а, бовзийтур нохчийн турпалхой а. Цуьнан тупалхой майраллица г1арбоьвла ца 1ара, уьш бар хазчу г1иллакхаций, яхь хиларций, деца-ненаца, доттаг1чуьнца, нахаца муьт1ахь, тешаме, комаьрша хиларца г1арбоьвла къонахий.

Иштта, хаза а, ц1ена а мел дерг нахе д1акхачийна, хаза хьехамаш битина д1акхелхи и Зайнди.

Дала цунна гечдойла, Дала Шен къинхетам бойла цунах!

Иса Балаев